حوار عائله..راقي
الأب مخاطب الأبن:تعا ولا
الابن وبكل براءه: نعم
الاب:نعامه ترفسك..تعا ولا لهون
الابن:ليش شو سويت
الاب:سواك ضريب يخلع رقبتك
الابن:هوه انا حكيت اشي؟
الاب:حكحكو حنابك بالعصايه اوقف متل العالم
الابن: حاضر
الام:يحضروا على قبرك انشالله.. لما ابوك يحكي انت بتخرس
الابن:اخرس
الاب:ايوه انشالله خرسه
الابن:ماشي
الام:اجاك مشش يركبك ماتقوم منه انشالله
الابن:مشش؟ شو هاد المشش
الاب:اما انك قليل حيا..وبترد على امك كمان؟هات العصايه وتعال ولا
الابن: انا رديت على امي؟ ماما احكي كلمه
الام: اشي يمزع نيعك ولا..حكيتلك اخرس
الابن الان اصبح مغلوب على امره ومو فاهم شو الموضوع وسكت
الاب:اما جيل قليل حيا.. احكي ولا ليش انخرست
الابن: شو احكي؟ اذا حكيت بتقولو عني قليل حيا وبتشوفوني غلط
الام: حيه الي تقرصك انشالله قلتلك تادب وانت بتحكي مع ابوك
الاب:شلون يعني بتشوفوني غلط شايفنا عميان ولا حول؟
الابن:لا اله الا الله
الام:الله ياخدك انشالله ياريتني خلفت ابن الجيران ولا خلفتك
الاب: انا مالي عرفان هاد الولد امتا بده يصير زلمه دايما فاضحني بين الرجال
الابن:طيب شو اعمل مشان تشوفني زلمه؟
الاب:قلتلك اخرس ولا
الابن يالله..يا الله.. ياجماعه ايش مالكم..شوفي؟
الام:اه صحيح انت ليش ناديت عالولد يا زلمه؟
الاب:بتصدقي يا مره نسيت.. نساني شو كنت بدي منه ..
خلص روح ارجع على غرفتك يابا..